Mat 19 | Ndebele | STEP | Kwasekusithi uJesu eseqedile lawomazwi , wasuka eGalili , weza emikhawulweni yeJudiya ngaphetsheya kweJordani .

Matthew 19

Ukuhlalisana kwabathatheneyo

1 Kwasekusithi uJesu eseqedile lawomazwi ^a, wasuka eGalili ^b, weza emikhawulweni yeJudiya ngaphetsheya kweJordani ^c. 2 Amaxuku amakhulu asemlandela, wasewasilisa lapho ^d.

3 Basebesiza kuye abaFarisi bemlinga, bathi kuye: Kuvunyelwe yini ukuthi indoda yale umkayo ngaso sonke isizatho ^e? 4 Wasephendula wathi kubo: Kalifundanga yini ukuthi owabadabula kusukela ekuqaleni wabenza owesilisa lowesifazana ^f? 5 Wasesithi: Ngenxa yalokhu indoda izatshiya uyise lonina, inamathele kumkayo ^g; labo ababili bazakuba nyamanye. 6 Ngakho kabasebabili, kodwa sebenyamanye. Ngakho lokho uNkulunkulu akuhlanganisileyo kakungabi lamuntu okwehlukanisayo ^h. 7 Bathi kuye: Pho uMozisi walayelani ukunika incwadi yesehlukaniso, lokumala ⁱ? 8 Wathi kubo: Ngenxa yobulukhuni benhliziyo zenu uMozisi walivumela ukwala omkenu ^j; kodwa kusukela ekuqaleni kwakungenjalo. 9 Kodwa ngithi kini: Loba ngubani owala umkakhe, ngaphandle kokufeba, abesethatha omunye, uyafeba; futhi othatha owaliweyo uyafeba ^k.

10 Abafundi bathi kuye: Uba udaba lomuntu lomfazi lunjalo, akusizi ukuthatha ^l. 11 Kodwa wathi kubo: Kakusibo bonke ^m abangalemukela lelilizwi ⁿ, ngaphandle kwabakunikiweyo ^{o
,} ^p. 12 Ngoba kukhona abathenwa, abazalwa benjalo kusukela esiswini sikanina; njalo kukhona abathenwa, abathenwa ngabantu ^q; kukhona futhi abathenwa, abazithenileyo ngenxa yombuso wamazulu ^r. Lowo ongakwemukela lokho kakwamukele ^s.

Ukubusiswa kwabantwana abancane

13 Khona kwalethwa kuye abantwana abancane, ukuze abeke izandla zakhe phezu kwabo, akhuleke ^t; kodwa abafundi babakhuza. 14 Kodwa uJesu wathi: Vumelani abantwana abancane, lingabenqabeli ukuza kimi; ngoba umbuso wamazulu ungowabanje ^u. 15 Wasebeka izandla phezu kwabo, wasuka lapho.

Ijaha elinothileyo

16 Njalo khangela, kwasondela omunye wathi kuye ^v: Mfundisi olungileyo, ngizakwenzani okulungileyo, ukuze ngibe lempilo elaphakade? 17 Wasesithi kuye: Ungibizelani ngokuthi olungileyo? Kakho olungileyo, ngaphandle koyedwa, uNkulunkulu ^w. Kodwa uba uthanda ukungena ekuphileni, gcina imilayo ^x. 18 Wathi kuye: Yiyiphi? UJesu wasesithi: Ungabulali; ungafebi; ungebi; ungafakazi amanga ^y; 19 hlonipha uyihlo lonyoko ^z; njalo, wothanda umakhelwane wakho njengalokhu uzithanda wena ^aa. 20 Ijaha lathi kuye: Konke lokhu ngikugcinile kusukela ebutsheni bami; ngisaswelani? 21 UJesu wathi kulo: Uba uthanda ukuphelela ^ab, hamba uthengise impahla zakho uphe abayanga ^ac, njalo uzakuba lempahla eligugu ezulwini ^ad; njalo uze lapha, ungilandele. 22 Kodwa selizwile lelilizwi ijaha lasuka lidanile; ngoba lalilempahla ezinengi.

23 UJesu wasesithi kubafundi bakhe: Ngiqinisile ngithi kini: Onothileyo uzangena ngokulukhuni embusweni wamazulu ^ae. 24 Njalo futhi ngithi kini: Kulula ukuthi ^af ikamela lingene ngentunja yenalithi, kulokuthi onothileyo angene embusweni wezulu ^ag. 25 Sebezwile abafundi bakhe bamangala kakhulu, bathi: Pho kungasindiswa bani? 26 Kodwa uJesu wabakhangela wathi kubo: Kubantu kakulakwenzeka ^ah, kodwa kuNkulunkulu zonke izinto zingenzeka ^ai.

Umvuzo wokuzidela

27 Khona uPetro waphendula wathi kuye: Khangela, thina sitshiye konke sakulandela; pho sizazuzani ^aj? 28 UJesu wasesithi kubo: Ngiqinisile ngithi kini: Lina elingilandeleyo, ekuvuselelweni lapho iNdodana yomuntu isihlezi esihlalweni sobukhosi senkazimulo yayo ^ak, lani lizahlala ezihlalweni zobukhosi ezilitshumi lambili ^al lahlulele izizwe ezilitshumi lambili zakoIsrayeli ^am. 29 Laye wonke otshiye izindlu, kumbe abafowabo, kumbe odadewabo, kumbe uyise, kumbe unina, kumbe umkakhe, kumbe abantwana, kumbe amasimu, ngenxa yebizo lami, uzakwemukela ngekhulu, adle ilifa lempilo elaphakade ^an. 30 Kodwa abanengi abokuqala bazakuba ngabokucina ^ao, labokucina ngabokuqala ^ap.